9 ene. 2014

A ASOCIACIÓN VECINAL DO CASCO VELLO DE O BARCO TRASLADA A MOISÉS BLANCO AS SÚAS INQUEDANZAS

  • Entre as súas principais preocupacións están o deterioro dalgunhas vivendas, a limpeza, a seguridade e a conservación do barrio.
  • Demandan que desde o Concello se elabore unha relación das casas que presentan graves deficiencias nas súas estruturas e fachadas.
  • O portavoz do Partido Popular de O Barco, comprometeuse a que o seu grupo presentará diversas iniciativas no concello para dar resposta as súas razoables demandas.
  • Moisés Blanco lembroulle que houbo axudas públicas para novas actuación nas Áreas de Rehabilitación de Galicia que alcanzaron os 34,4 millóns de euros, e lamentou que “nin un só euro destes cartos viñeran para O Barco, xa que o goberno do Concello no foi quen de presentar a documentación correcta para conseguir a declaración de ARI do Casco Vello.

O Barco de Valdeorras, 8 de Xaneiro de 2014.- O Portavoz do Grupo Popular no Concello de O Barco, Moisés Blanco Paradelo, mantivo onte un encontro con membros da directiva da asociación veciñal “Porto da Barca”, entidade que integran veciños e veciñas do Casco Vello barquense.

Nesta xuntanza analizaron os principais problemas que preocupan os residentes desta emblemática zona do Barco, como é “o estado de abandono dalgunhas vivendas con serios riscos de derrubamento”, en palabras dos propios representantes veciñais.

Por iso, pretenden que desde o Concello se elabore unha relación das casas que presentan graves deficiencias nas súas estruturas e fachadas, e que sofren un aparente deterioro que se foi agravando nos últimos anos.

Tamén falaron do incendio que se produciu na Rúa San Roque, no mes de decembro, con graves consecuencias para dous inmobles. A este respecto, ademais, de expoñer diversas accións solidarias para recadar fondos para as familias afectadas e agradecer o traballo de todos os profesionais que interviñeron na extinción do lume, quixeron trasladar tamén as queixas veciñais sobre a ubicación e sinalización das “bocas de riego”. Ao parecer, segundo algúns testemuñas “os efectivos que traballaron nas tarefas de extinción tiveron serias dificultades para atopalas”.

Insistiron en que hai que mellorar as medidas de seguridade, e no evidente risco ao que están expostos os viandantes, coa deficiente sinalización e situación dos valados protectores, ao terse producido de xeito continuo desprendemento de cascotes.

Moisés Blanco, portavoz dos populares barquenses, comprometeuse a que o seu grupo “presentará diversas iniciativas no concello para dar resposta as súas razoables demandas”.

Así mesmo, Blanco Paradelo, lembroulle que houbo axudas públicas para novas actuación nas Áreas de Rehabilitación de Galicia que alcanzaron os 34,4 millóns de euros, e lamentou que “nin un só euro destes cartos viñeran para O Barco, xa que o goberno do Concello no foi quen de presentar a documentación correcta para conseguir a declaración de ARI do Casco Vello”.
 

O portavoz popular mostrouse convencido de que “estas axudas terían suposto un importante pulo para revitalizar o casco vello, así como para dinamizar e apoiar o sector da construción e das reformas”.

No hay comentarios:

Publicar un comentario