10 mar. 2014

A CONTRATACIÓN DOS TRABALLOS PARA A DELIMITACIÓN OFICIAL DO CAMIÑO DE INVERNO SE FARÁ NO PRIMEIRO SEMESTRE DE 2014


A directora xeral do Patrimonio Cultural respostou no Parlamento a unha pregunta do deputado do PPdeG sobre a previsión do recoñemento oficial do Camiño
  • A Xunta asegurou hoxe na Comisión de Educación e Cultura que ten programada nos seus orzamentos 2014, concretamente neste primeiro semestre, a contratación dos traballos necesarios para a delimitación oficial e posteriormente se culminará coa sinalización oficial do mesmo

Santiago, 7 de marzo de 2014.- O deputado do PPdeG Moisés Blanco Paradelo agradeceu hoxe no Parlamento os traballos que se veñen desenrolando dende a Xunta de Galicia para o recoñecemento do Camiño de Inverno como ruta Xacobea, “feitos dende a rigurosidade e a transparencia para garantir a seguridade xurídica de protección do conservación do patrimonio cultural”.


A directora xeral do Patrimonio Cultural da Xunta respostou hoxe, na Comisión de Educación e Cultura, unha pregunta do deputado popular sobre a previsión do recoñecemento oficial do Camiño. Segundo a titular deste departamento a dirección xeral ten programada nos seus orzamentos de 2014, “e concretamente neste primeiro semestre, a contratación dos traballos necesarios para a delimitación, fundamentada nos traballos previos e no recoñecemento dos terreos, tanto da traza como do territorio histórico asociado, necesarios para proceder á súa delimitación oficial, á súa incoación e posterior declaración”. Será con posterioridade a estes procesos, cando se culmine coa sinalización oficial do camiño, segundo indicou a directora xeral.


Moisés Blanco pediu de novo a axilización dos traballos na medida do posible para poder conquerir o antes posible esa señalización “que na actualidade leva perdas de peregrinos en algunhas zoas” e agradeceu a “boa vontade e o bo traballo que se desenvolveu nestes meses tanto na recollida de información e os estudios de historicidade para documentar o recoñecemento como na actualidade no compromiso desinteresado de asociacións do camiño, entidades culturais, historiadores e concellos na busca dun obxectivo común”


Así o deputado popular nomeou na súa intervención parlamentaria aos concellos, alcaldes e alcaldesas, as asociacións de amigos do Camiño, ao Instituto de Estudios Valdeorreses, Ramón García, Isidro García Tato e López Caneda, entre outros, como valedores moi importantes “polo seu traballo desinteresado que fixo posible reunir toda a información na fase de documentación previa e necesaria para conquerir a oficialidade da ruta”. 


Moisés Blanco recordou na súa intervención parlamentaria que, entre todos os usos que tivo o Camiño de Inverno, o da peregrinación é o máis importante e indicou que “co recoñecemento oficial desta ruta temos que ter en conta que non se trata de deseñar ou crear un trazado do camiño conforme aos gustos turísticos e intereses político-económicos de colectivos ou institucións ou como ruta do colesterol ou da tensión, senón de descubrir por onde discorría a peregrinación xacobea, que durante séculos seguiron os nosos antepasados”.


Segundo o deputado popular “esto hai que facelo dende o punto de vista histórico, a través de documentos históricos, que xustifiquen e definen perfectamente o trazado desta ruta”. “Un traballo que hai que facer con rigurosidade e seriedade, como así se fixo ata hai ben pouco coa delimitación definitiva do Camiño Francés, ou o do Norte” finalizou dicindo Moisés Blanco.

7 mar. 2014

MOISÉS BLANCO REUNIUSE CO SECRETARIO XERAL DA EMIGRACIÓN PARA INTERESARSE POLOS EMIGRANTES VALDEORRESES


  • Arredor de 3.500 valdeorreses residen fora de Galicia, espallados principalmente por Alemaña, Arxentina, Brasil, Cuba, Francia, Suíza ou Venezuela”.
  • O Barco é a Vila da comarca que máis emigrantes ten con preto de 1.000 persoas, O Bolo con 600 e a Veiga entorno a 500.

Santiago de Compostela, 6 de marzo de 2014.- O secretario xeral da Emigración da Xunta de Galicia, Antonio Rodríguez Miranda, recibiu no seu despacho ao deputado do Grupo Popular no Parlamento de Galicia e portavoz do PP en O Barco de Valdeorras, Moisés Blanco Paradelo, para falar sobre diversos aspectos vinculados coas e cos cidadás e cidadáns desta comarca residentes fóra da Galicia territorial.

Hai presenza constatada de valdeorreses en múltiplas zonas do planeta e en moitas comunidades galegas con recoñecemento de Galeguidade. Segundo indicou Moisés Blanco, “analizando os datos do CERA poderíamos dicir que temos arredor de 3.500 valdeorreses residindo fora de Galicia, espallados principalmente por Alemaña, Arxentina, Brasil, Cuba, Francia, Suíza ou Venezuela”.

Rodríguez Miranda, expuxo unha serie de datos nos que se constata que O Barco é a Vila da comarca que máis emigrantes ten con preto de 1.000 persoas, O Bolo con 600 e a Veiga entorno a 500.

Así mesmo, as cifras arroxan outros datos interesantes. De entre os países que acollen aos emigrantes valdeorreses o 33,6% residen en Arxentina o o 31,4% en Francia.

O Secretario Xeral da Emigración tamén informou ao deputado ourensá que o nome da comarca está presente nalgunhas das denominacións oficiais destas entidades, coma é o caso de ‘Juventud Viana, Trives y Valdeorras, Asociación Cultural, Social y Recreativa’ de Bos Aires –cidade na que se asenta boa parte da diáspora procedente da zona- ou a ‘Agrupación Valdeorras e Viana’ da Habana.

Miranda e Blanco comprometéronse a manter contactos con regularidade, coa finalidade de ofrecerse información recíproca sobre as inquedanzas ou necesidades que as e os emigrantes valdeorreses teñen ou podan ter no futuro.




3 mar. 2014

O PP LAMENTA AS “MENTIRAS” DO ALCALDE DO BARCO E QUE PRETENDA TRASLADAR A RESPONSABILIDADE SOBRE A SUBIDA DO IMPOSTO DA BASURA AOS CIDADÁNS

Para o voceiro popular, Moisés Blanco Paradelo, a campaña do Concello trata de disimular “o fracaso do alcalde e vicepresidente da Fegamp nas negociacións coa Consellería de Medio Ambiente, despois de ser desautorizado polo PSOE”

  • Moisés Blanco pide que “a carta que ten pensado enviar para explicar a campaña a leve a Comisión para que poidan consensuar ideas sobre o texto” 
  • Para o voceiro popular “a verdadeira campaña é colocar mais contenedores pretos das vivendas e pedir responsabilidades a empresa se non se respecta a separación de residuos nas recollidas”


Santiago, 28 de febreiro de 2014.- O Voceiro do PP de O Barco de Valdeorras lamenta as “mentiras” do alcalde en referencia a subida do canon de Sogama e que “pretenda trasladar a responsabilidade sobre o imposto aos cidadáns, baixo veladas amezas”. Moisés Blanco Paradelo, voceiro do PP e deputado autonómico criticou así a iniciativa da alcaldía na que “supostamente trata de antepoñer un aumento na reciclaxe para que non se incremente a prezo da basura”.


Segundo Blanco Paradelo “o alcalde trata de disimular o fracaso como vicepresidente da Fegamp nas negociacións coa Consellería de Medio Ambiente, xa que nun primeiro momento indicou que o acordo era importante e permitiría aos concellos pagar a metade do previsto para o 2014 pero posteriormente foi desautorizado polo PSOE e tivo que dicir que se trataba dun modelo fracasado”.


Precisamente por romper ese acordo a entrada en vigor do canon non puido ser adiada a xullo e mitigar así o impacto no concello” indicou Blanco Paradelo “e agora o alcalde para lavar as súas culpas pretende responsabilizar aos veciños e as súas prácticas de reciclaxe deste incremento”.


Moisés Blanco solicita que a carta que ten pensado enviar aos veciños para explicar a campaña “sexa levada a Comisión para que poida consensuarse e os grupo poidan aportar ideas”.


Para o voceiro popular “a verdadeira campaña é colocar máis contenedores pretos das vivendas, xa que moitas veces a reciclaxe non se produce axeitadamente polo pouca proximidade aos mesmo, sobre todo dende os núcleos rurais”. Ademais de que, segundo Blanco Paradelo, “como xa denunciamos no seu momento é necesario pedir responsabilidades do servizo de reciclaxe xeneralizado no que respecta a separación de residuos nas recollidas, xa que a veces se recolle, por exemplo, o contenedor azul e se volca o seu contido no camión verde”.