MOCIÓN SOBRE OS CONTRATROS TEMPORAIS QUE SE CONVERTEN EN INDEFINIDOS

Moción que presenta o Grupo Municipal Popular, ao amparo do establecido no artigo 97 del Reglamento de Organización, Funcionamiento y Régimen Jurídico de las Entidades Locales, para o seu debate e, no seu caso aprobación, no Pleno Ordinario do mes de decembro.

“SOBRE OS CONTRATROS TEMPORAIS QUE SE CONVERTEN EN INDEFINIDOS”

Dende hai varios anos no Concello de O Barco vense producindo un feito un tanto especial, ao tempo que inxusto, en canto a que varios traballadores empezan a súa relación laboral co Concello a través de contratos temporais e co paso dos anos terminan por converterse en traballadores indefinidos.

E isto sucede debido a reiteración de contratos na mesma persoa, que despois acode a xustiza, presenta demanda contra o Concello e dánlle a razón, acreditando que a contratación foi en fraude de lei e que polo tanto a relación entre as partes pasa a ser indefinida.

Deste xeito, nos dous últimos anos catro traballadoras do servizo de Axuda a Domicilio, unha técnico de Medio Ambiente ou a Axente de Emprego Local, ao que lle podemos engadir os cincuenta traballadores que, con gallo da aprobación en novembro de 2009 da Relación de Postos de Traballo, viron convertidos os seus contratos temporais en indefinidos(ata a xubilación) sen nin sequera ter pasado por ningunha proba ou proceso de selección, vulnerando os principios de mérito, capacidade e igualdade de oportunidade como así certificaban os propios informes dos técnicos municipais.

Dada a repetición deste feito o Grupo Municipal do Partido Popular interesouse polo tema en varios plenos e comisións informativas, e mesmo chegamos a solicitar unha convocatoria extraordinaria da Comisión de Persoal con este asunto como único punto instando ao goberno a elaboración dun estudo e análise dás condicións laborais de posibles traballadores que poderían encontrarse nunha situación similar, sen que a proposta fose atendida.

Por todo o anteriormente exposto, o Grupo Municipal do Partido Popular propón ao Pleno da Corporación a adopción do seguinte acordo:

-. O Goberno do Concello de O Barco convocará a Comisión Informativa de Persoal, Tráfico e Seguridade Cidadá sempre que se vaia a realizar unha contratación de persoal, e porá a disposición dos grupos políticos todos os antecedentes da contratación de calquera persoa de forma temporal, por obra ou servizo, ou en calquera modalidade de contratación directa polo Concello, así coma toda a información relacionada coas memorias xustificativas de contratos de obras ou servizos, actas das reunións dos tribunais de selección realizados, decretos de convocatoria de procesos de selección etc...