25 oct. 2012

A Xunta de Galicia concede un obradoiro de emprego ao Barco de Valdeorras


A Xunta de Galicia ven de conceder ao concello de O Barco de Valdeorras un obradoiro de emprego que dará traballo e formación a máis dunha vintena de persoas desempregadas deste municipio.

Esta concesión foi confirmada polo delegado territorial da Xunta en Ourense, Rogelio Martínez, nunha reunión que mantivo co portavoz do Partido Popular de O Barco e recentemente elexido deputado electo para o Parlamento de Galicia, Moisés Blanco.

Este novo obradoiro, denominado “O Barco Emprende”, dará emprego durante seis meses a un total de 24 persoas desempregadas, e contará cun orzamento estimado en 169.780 euros. Para esta concesión, tivéronse en conta as 1.220 persoas desempregadas censadas no municipio barquense.

Tanto Moisés Blanco como Rogelio Martínez manifestan a súa satisfacción por esta iniciativa que dará emprego e formación a 24 persoas, do mesmo xeito que con este obradoiro se contribuirá a mellorar espazos públicos do municipio de O Barco.

Considera Moisés Blanco que o Partido Popular "xa empeza a cumplir o seu programa tomando decisións importantes en materia de emprego. Diminuir as tasas de paro é uns dos obxectivos fundamentais, por iso a través da concesión deste obradoiro de emprego máis dunha vintena de familias terán a oportunidade de traballar e formarse durante medio ano”, concluiu o portavoz popular.

 

No hay comentarios:

Publicar un comentario