8 may. 2014

MOISÉS BLANCO TRASLADOU Á CONSELLEIRA DE FACENDA A PREOCUPACIÓN DOS AFECTADOS EN VALDEORRAS POLAS PENSIÓNS DA EMIGRACIÓN


O deputado popular recordou o acordo parlamentario “para que os beneficiarios/as de pensións da emigración se lles exima do pago de sancións e habilite períodos de pagamento máis longos para abonar as declaracións complementarias”
 
 
- A Conselleira confirmou ao deputado popular o apoio da Xunta á xusta reivindicación dos afectados e que así se llo transmitiron ao Goberno central

 

Santiago, 7 de maio de 2014.- O deputado do Grupo Popular, Moisés Blanco Paradelo, reuniuse hoxe coa Conselleira de Facenda do Goberno galego para trasladarlle a preocupación dos pensionistas de Valdeorras que cobran pensións da emigración ao que Elena Muñoz respostou que a Xunta de Galicia apoia as súas xustas reivindicacións e así se llo transmitiron ao Goberno do Estado.
 


O deputado popular recordou o acordo aprobado por unanimidade no Parlamento recentemente no que se solicitaba á Axencia Tributaria que regularizara a situación dos pensionistas que cobren pensións da emigración sen consideralos defraudadores fiscais, os eximira do pago de sancións e habilitara períodos de pagamento máis longo que os estipulados habitualmente para afrontar os pagos polas declaracións complementarias.
 


Moisés Blanco recordou na reunión mantida coa conselleira que “na maior parte dos casos estes pensionistas galegos que traballaron no estranxeiro e non tributaron nos últimos anos polas pensións non o fixeron con afán defraudador nin mala intención polo que é preciso que se informe sobre as súas obrigas fiscais e que a regularización se faga sen sancións e se adíe o pago deste cumprimento a todas e todos os afectados”.



A conselleira de Facenda recordoulle ao deputado popular que a Xunta de Galicia, aínda que non ten competencia algunha nesta materia, púxose a traballar dende o primeiro momento reuníndose co colectivo para recoller as súas inquedanzas. Posteriormente indicou que o departamento autonómico solicitou á Axencia Tributaria estatal que prestara especial atención e consideración ao colectivo de afectados e que analizara as posibles solicitudes de aprazamento e fraccionamento da débeda tributaria que puidera xurdir.

No hay comentarios:

Publicar un comentario