23 ene. 2013

O CONCELLO DE O BARCO LEVA 8 ANOS CONSECUTIVOS PRESENTANDO AS CONTAS FORA DE PRAZO ANTE O CONSELLO DE CONTAS DE GALICIA


·         As subvencións da Xunta de Galicia poderían estar en risco, afectando a prestación de servizos municipais.
·         Dende o ano 2004 o Concello presenta as contas fora de prazo.
·         Moisés Blanco considera que Alfredo García, coma vicepresidente da FEGAMP, da un mal exemplo o resto de alcaldes galegos.
O Barco de Valdeorras.- 22 de xaneiro de 2013. O portavoz do Partido Popular de O Barco, Moisés Blanco, afirmou que “é un feito grave que o Goberno Socialista do Concello de O Barco non sexa capaz de presentar as contas municipais en tempo en forma, e que ano tras ano o fagan fora de prazo”.
Os populares barquenses presentaron este luns no concello de O Barco un escrito no que lle piden ao alcalde que envíe a maior brevidade posible a documentación correspondente as contas do ano 2011 ao Consello de Contas, porque, “ademais de que novamente se evidencia unha mala xestión do Grupo de Goberno tamén estaría en serio risco a prestación dalgún servizo municipal, posto que a Xunta de Galicia podería excluir das subvencións a aqueles concellos que eluden rendir as súas contas”, sinalou Moisés Blanco.
O portavoz do Partido Popular no Concello de O Barco, afirma que o alcalde de O Barco, Alfredo García, non foi quen de remitirlle ao Consello de Contas nos últimos oito anos a documentación que se lle require. Entende o portavoz popular que ao alcalde de O Barco “pouco lle importa que o Consello de Contas de Galicia sexa o ente fiscalizador das contas e da xestión económico-financeira do sector público galego, entre os que se atopan os concellos”.

No última publicación dixital, que vén de presentar o Consello de Contas, o Concello de O Barco atópase dentro da lista dos catorce concellos de Galicia, e catro da provincia de Ourense, que non enviaron a Conta Xeral correspondente ao exercicio económico do ano 2011.

Pero o máis grave para o noso concello e que esto converteuse nunha práctica habitual de Alfredo García, posto que aconteceu igual nos anos 2010, 2009, 2008, 2007, 2006, 2005 e 2004. É preciso remontarnos ao ano 2003 para atopar un informe do Consello de Contas de Galicia que fiscalice e analice os datos económicos do Concello do Barco en tempo e forma”, explica Moisés Blanco.

Os datos do Consello de Contas refendan o que leva denunciando o Partido Popular no que atinxe á “falta de respecto institucional” e o pouco valor que o alcalde lle presta aos entes fiscalizadores da nosa comunidade autónoma.

Moisés Blanco considera que o alcalde de O Barco “converteu en algo habitual o que tería que ser unha excepción, e sen lugar a dubidas é un dos alcaldes galegos que máis informes desfavorables acumula. Temos que lembrar que no ano 2012 recibiu 155 informes desfavorables dos técnicos municipais. Así mesmo, leva presentado todos os orzamentos municipais fora de prazo e con reparos negativos dos servizos técnicos do concello. É o alcalde campión de Galicia en informes desfavorables”.

Recorda Moisés Blanco, que “o alcalde de O Barco tamén é Vicepresidente primeiro de Federación Galega de Municipios e Provincias (FEGAMP), e con esta forma de proceder, chea de informes desfavorables e reiterados incumprimentos ofrece un mal exemplo o resto de alcaldesas e alcaldes de Galicia”.

No hay comentarios:

Publicar un comentario