11 sept 2014

Se manterán todos os partidos xudiciais de Galicia e a súa actividade


O vicepresidente da Xunta reafirmouse nas declaracións realizadas por Ruíz Gallardón en Galicia, nas que informou que se manterán todos os partidos xudiciais



MOISÉS BLANCO TRASLADA A ALFONSO RUEDA A INTRANQUILIDADE EXISTENTE EN VALDEORRAS ANTE A FALTA DE NOTICIAS RESPECTO AO FUTURO MANTEMENTO DO XULGADO DE O BARCO


  • A Xunta remitirá unha proposta ao Ministerio na que se terán en conta criterios como a dispersión da poboación, os tempos de desprazamento ou o aproveitamento de infraestruturas existentes

Santiago, 11 de setembro de 2014.- O deputado do Grupo Popular Moisés Blanco entrevistouse co vicepresidente e conselleiro de Presidencia, Administracións Públicas e Xustiza, Alfonso Rueda, para facerlle chegar a intranquilidade existente entre os veciños da comarca de Valdeorras pola falta de novas informacións respecto ao futuro mantemento do Xulgado en O Barco.


Neste sentido, Alfonso Rueda reafirmouse nas declaracións realizadas polo ministro de Xustiza, Alberto Ruíz Gallardón, na súa visita en Galicia, nas que avanzou que se manterían todos os partidos xudiciais en Galicia e atendería as demandas feitas desde a Xunta de Galicia. En concreto, Gallardón anunciara que o proxecto de Lei sería modificado nalgúns aspectos para corrixir "disfuncións" de carácter territorial que puideran existir no caso da Comunidade galega.



INFORME COAS PECULIARIDADES GALEGAS


Deste xeito, a Xunta está a elaborar un informe para enviarlle ao Ministerio de Xustiza no que conste a súa proposta sobre a demarcación territorial de cada un dos tribunais de instancia, acompañado dun estudo do Tribunal Superior de Xustiza de Galicia respecto das cargas de traballo dos distintos xulgados para que sexa informado polo Consello Xeral do Poder Xudicial.


Así mesmo, o Goberno galego remitirá ao Ministerio unha proposta de sedes de tribunais de acordo cos criterios establecidos na Lei Orgánica do Poder Xudicial, na que se recollan entre outros os criterios de dispersión da poboación, os tempos de desprazamento ou o aproveitamento das infraestruturas existentes.

No hay comentarios:

Publicar un comentario