• Moisés Blanco presentoulle a Francisco Marín un
proxecto para o dragado do río Sil ao seu paso por O Barco.
• Falaron sobre a necesidade de eliminar as algas na
praia fluvial do Malecón barquense para favorecer o baño e a práctica
deportiva.
• A ampliación da depuradora foi outro dos asuntos
tratados.
O Barco de
Valdeorras.- 20 de xuño de 2012. O Portavoz do PP de O Barco, Moisés Blanco Paradelo, reuniuse co
Presidente da Confederación Hidrográfica Miño-Sil, Francisco Marín Muñoz, na
sede que este organismo ten en Ourense para abordar diversos asuntos de
interese para o Concello de O Barco.
Moisés Blanco transmitiulle ao presidente da
Confederación “a verdadeira importancia que tería para O Barco poder realizar
un dragado no Río Sil ao seu paso polo Malecón, e deste xeito, volver novamente
a disfrutar do río tanto a nivel lúdico como deportivo”. Por iso entregoulle
unha copia do proxecto de “Dragado do Río Sil para a zona do Malecón” que o
propio Concello presentou en varias ocasións ante o seu organismo e a Xunta de
Galicia, sendo denegado nos últimos instantes da tramitación.
O portavoz popular informoulle de que as obras de
dragado que figuran no proxecto, que redactaron os técnicos municipais, propón
a retirada de acarreos do río nun tramo duns 340 ml, cun espesor medio de 60 cm,
o que supoñería que o volume total a extraer estaría en torno aos 18.300m³.
Blanco Paradelo recordoulle que este proxecto,
valorado nuns 100.000€, foi rexeitado por última vez en xuño de 2009, tras
superar diversos informes das administracións competentes. Por iso, insistiu
ante Francisco Marín para que “este proxecto sexa obxecto dun novo estudo para
proceder a realizar as oportunas modificacións e que poida resultar finalmente
aceptado”. “Si outras cidades como Zaragoza ou León, por citar algúns exemplos,
executaron importantes proxectos de dragado dos seus ríos O Barco tamén tería
que poder facelo”, afirmou o portavoz dos populares barquenses.
Consciente das dificultades económicas do
momento, Moisés Blanco “considera imprescindible a achega de todas as
administracións”, e se finalmente o proxecto recibise o visto bo, “avoga pola
colaboración entre Concello, Xunta de Galicia, Deputación e a propia
Confederación Hidrográfica para sufragar os 100.000€ do custo.
LIMPEZA DE ALGAS
Outro dos asuntos que trataron e que está máis
ligado á inminente actualidade ten que ver coa limpeza da zona de baño na praia
fluvial de O Barco. Francisco Marín explicou que ao tratarse de plantas acuáticas
o seu organismo está á espera do informe que emita a Dirección Xeral de
Conservación dá Natureza dá Xunta de Galicia para poder autorizar a súa
retirada.
Moisés Blanco incidiu na urxente necesidade de
poder realizar a limpeza e o acondicionamento desta zona que permitiría o baño
e a práctica deportiva nas súas diferentes modalidades dunha forma satisfactoria
durante os próximos meses do verán.
AMPLIACIÓN DEPURADORA
Para rematar, tamén falaron do proxecto para a
ampliación da E.D.A.R (Estación Depuradora de Augas Residuais) de O Barco de
Valdeorras. Unha depuradora que se está quedando pequena e que presenta algúns
problemas para poder recoller e tratar todas as augas que recibe, principalmente
debido ás filtracións de augas limpas.
Un proxecto que contará coa participación de
Augas de Galicia, a Confederación Miño- Sil e o Concello e que estará divido en
varias fases, cun orzamento de 1,5 millóns de euros para a primeira fase. A
data prevista para a súa aprobación está fixada para xaneiro do 2013.
